مكونات الوصفة :
نص لتر حليب
صابونة دوف البيضاء
باكية الغاسول الابيض
نصف قنينة ماء ورد
طريقة تحضير الوصفة :
كتفيضي الحليب بوحدو وتحيديه من فوق العافية وكتزيدي عليه الصابونة من بعد ما حكيتيها في الحكاكة وكتخلطي مزيآآن ثم كتضيفي ماء الورد والغاسول الابيض وكتحركيهم مزيان يمكن ليك ديريهم في مولينكس باش ينساجمو او تخلطي غي بالملعقة
من بعد ملي يبرد كديريه في شي بواطة كتسدي عليه وكديريه في الثلاجة
غادي تلاحظي انو كيبان سائل ولكن النهار التالي غادا تلاحظيه ولا بحال الكريم
بالنسبة لطريقة استعمال الخلطة الصحراوية للجسم و المنطقة الحساسة
غادي نستعملو تقريبا الكمية لي ممكن نحتاجو من الخليط ونرجعو البواطة مباشرة للثلاجة باش تبقا عندنا مدة طويلة وما تخسرش
كتدهنو بيه كلشي الجسم
وكتخلوه مدة 3سوايع على الاقل و من الاحسن و الافضل ديروه بالليل ومع الصباح دوشو
كتديري الوصفة يوميا على الاقل واحد الاسبوع متابع ومن بعد وقتما رشقت ليك كتديريه اما 2 او 3مرات في الاسبوع لانو كيبقا عندك بزاف الخليط
ليست هناك تعليقات:
إرسال تعليق